In custa parti de su jassu poneus is dìcius ki eus arregortu, e spereus de nd’arregolli ancora, a Setzu.
Non funt sceti sentèntzias, ma fintzas dìcius, modus de nai, chi nascint de sa esperièntzia de donnya di’.
De sèguru, cumenti po totus is cosas de su connotu, nc’iat essi de traballai meda e de sighiri a arregolli ancora meda de custu scusòrgiu mannu chi est sa memòria e sa scièntzia antiga. Iat a essi bellu chi custu beni fessit arregortu po ddu fai conosci a is jòvunus e a is pipius, poita ca cuntennint beridadis e insegnamentus ki balint po sempri.
Tocat a sciri, prima de cumentzai a ligi, ca eus postu su dìcius cumenti si narat in su campidanesu standard, e a pustis eus açuntu sa fueddada satzesa, chi a bortas mudat calincuna litera.
Torraus gràtzias a totus is ki ant donau una manu de ajudu, e ki calincunu ndi scit atrus de dìcius de Setzu, podit benni in s’ufìtziu a consillai e açungi.

Mesi de Idas, bagàntzia e diis fridas.
Apribi, nci torrat su lèpiri in su coili.
Scuau e torrau a fai.
Est dromiu cumenti unu mailloni.
Acua e bentu annada se sarmentu, àcua e soli annada de liori, àcua e frius annada de pipius.
Ki meda aferrat nudda stringit.
No fetzas su passu prus longu de sa gamba.
Mellus su strintu suu che su ladu allenu
Ajudadì ca Deus t’at a ajudai
Est mellus unu molenti biu ca unu dotori mortu
Mellus unu bonu amigu che unu malu parenti
Impara s’arti e ponidda a parti
A pagai a s’arregorta (a Setzu si narat “s’arregorta”).
Intendi allu po cibudda.
Pecau de babu ddu pagat fillu.
Ki tenet bastimentu tenet pensamentu.
Fais beni e bai a oramalas (a Setzu si narat “aromabas”).
No mi-ndi intrat e non mi-ndi bessit.
Benimindi scova de forru.
Ki tenit binja tenit tinja.
Su bisonju ponit su beçu a curri.
Boxi de pòpulu sentèntia fata.
Fai cumenti faint in Bosa, candu proit lassant proi.
In s’ària breberis, s’àcua fintzas a peis (in Setzu narant “bròbei”).
Bucconi pretziu/partiu s’àngelu si nci setzit (in Setzu narant  “‘unconi”).
Sa brulla est bella candu durat pagu.
Contat faulas po sciri beridadi.
S’arrisu de s’arenada.
Su dannu est ki ddu tenit.
Deus ddu at donau, Deus ddu at pigau.
Saludi e trigu e tapu de ortigu..
Arriri de is carrus furriaus
Beni fueddau e mali procèdiu.
In domu de ferreri schidonis de linna.
Cotu o no cotu, su fogu ddu at biu.

.